好在有哥哥係到，呀妹下年可以返全日K1喇，因為妹妹係12月出世，

N1班已經一早無哂位喇，仲以為村校應該無咁多大陸人，

點知面試既時候十個有六個係大陸人，仲要唔識聽老師講廣東話同英文=_= ........

下年可以同哥哥一齊返學，唔洗每日都唔捨得哥哥返學無人同佢玩 ^0^

４年時間過得好快，唔經唔覺妹妹下個月就 2yrs ...照顧呢兩兄妹成長，雖然身邊好多人都話我無哂私人時間，但湊下湊下，咪又係咁快過左４年... 睇住兩兄妹一日一日咁成長，每日夜晚見到佢地舒舒服服訓得安穩，心入面個份滿足感遠遠超越以前行街睇戲旅行 ... 壓力當然有 ..所以適當既時候媽媽就會有適當既休息，好在有老公係到可以分擔下 .... 生活雖然看似平淡，但只要屋企個３隻豬每日都過得開心，身體健健康康，媽媽就已經好滿足^^

呀妹今日第一次去面試，一開始入到學校雖然有少少緊張，但好在有哥哥做家長陪住佢，到老師問問題既時候呀妹全部都識答，連老師都話佢叻叻呀 ^^ !!!

面完試媽媽就帶埋兩隻小魔怪去左magebox !!哥哥妹妹又可以同佢最鍾意既姐姐玩喇 ^^哥哥今日第一次溜冰，自小膽小既哥哥，我仲以為佢會捉住姐姐手唔放，點知溜左一陣已經可以放手自己扶住行 !! 係媽媽心目中已經超級叻仔架喇 !! ^^兩個小魔怪不停跑跑跑 ~ 媽媽一早已經無哂電 ~ 好在有班姐姐接力ja T^T 辛苦哂 ~ ^3^

 CECI話我其實只要打4-5次d斑就會無哂，但其他美容院會叫你一次過比$18000十次，不停sell,不停sell真係好煩，同埋我每打一次都係$1000，打十次都比你平呀 / ~\ ，見到相其實打完第一次之後，d斑已經淡色左好多，但媽媽想完全消失當然要Keep住做啦 ^^!!! 所以呢日又帶埋妹妹上去A-PLUS做第二次1064打斑，美容師同我清潔好面部就馬上開始喇 !!^^今次無咁緊張喇 ~ 過程大約10-15分鐘，每次打完斑面都會紅紅熱熱，美容師都會馬上敷返補濕面膜，即刻會舒緩返好多^0^ 每次帶埋妹妹去A-PLUS一來一回都係兩小時，又可以準時接哥哥放學喇 !!^3^

打完斑後2天，雖然仲少少紅，但面部比起第一次打斑後已經無咁紅腫，如果你每天都努力做好補濕，效果仲可以更快睇到（記得記得每日都要搽防反黑CREAM呀!!!!!) ^0^ 除左搽防曬之外，媽媽見天氣轉涼所以出動埋口罩~天氣涼帶口罩無咁辛苦呀!!^^ 哈哈 ~~好多接放學既媽媽都叫我保重身體呀 !! 

 

只係用左五日已經見到明顯既效果喇 ^^ 皮膚已經完全無紅，好多細小既斑斑都消失左，比較深色既都快要SAY BYEBYE喇 ~~ !!!!!!!

 對比返打斑前後，只係兩次已經有咁明顯既分別 (媽媽今次仲發現眼下既微絲血管淡色左^0^)好期待下次既效果呀 ~(各位記得要隔返3星期先可以再做呀 !!!)

妹妹今日訓覺前不停咁喊 ....
我問佢做咩事 ... 佢話哥哥呢???
我話哥哥返左學呀 ....
但佢仲一路喊一路話哥哥唔見左 ....
原來呀妹都會掛住哥哥 ...
(但琴日先又攪喊人 =_=")
我話你訓醒就可以去接呀哥放學架喇 ..
佢即刻走左去著鞋唔訓覺 -_-

今日媽媽又要去做 Facial，妹妹又可以同姐姐玩喇 ^0^
個個都知道呢位小朋友嘈嘈閉攪攪陣 ^0^ 玩得咁開心媽媽又可以Relax下 ~~~ Yeah !!!

 

好在有爸爸湊住兩隻小魔怪，媽媽又可以去行下街Shopping喇 ^0^
雖然行到身水身汗，對腳又痛，但有陣時可以同朋友食下飯行下街都幾Relax既^0^

而爸爸呢日就帶左佢地上山餵羊咩咩 ~~ 爸爸好叻啊 !!!!!!!!^0^ 辛苦哂你喇 !!!!

媽媽從小其實就已經有幾粒斑，因為我除左去沙灘之外，平時係唔會搽防曬架 =0= 咁多年原本都無理過佢，但暑假去完墾丁曬傷左之後.....已經由幾粒變成十幾粒斑，而原本個d就愈黎愈深色，毛孔都大左，連我自己都頂唔順呀 !!!! 所以呢日帶埋妹妹鼓起勇氣上A-PLUS打波長1064既激光殺斑去印，媽媽第一次打，好緊張啊 ^0^上到去清潔好面部就馬上開始喇 (今次係CECI同我打斑的)!!!一開始感覺到熱熱吉吉咁，好似有橡筋不停咁彈你塊面咁，但完全可以接受的 ^^比想像中唔痛呢^^ 大約10-15分鐘就OK喇 ^^ (左面係剛打完，右係打斑前)

 剛打完斑皮膚會十分乾燥，所以CECI馬上同我敷返補濕面膜，再搽埋補濕乳液同防曬就完成喇 ^^ 飲下水休息一陣大約15分鐘到塊面d紅印都退得7788 ~ 因為媽媽第一次做，所以臨走前CANDY送左7天反黑CREAM比我，仲叫我一定一定要搽TIM ^^ 今次妹妹上到A-PLUS已經認得哂d 姐姐喇，又有野食又有咁多姐姐陪佢玩，完全唔知道媽媽已經打緊斑，之後仲要唔捨得走tim ~ 呵呵 ~又可以比媽媽Relax下喇 ^0^

 

 

返到屋企當然唔可以懶喇 ^^ 媽媽早晚都係用燕麥抗敏潔膚泡沫洗面，早上搽KINERASE既LOTION，當然仲要搽埋防曬喇 !!!一定一定要搽防曬!!就算係室內都要搽!!!因為太陽紫外線會令你功虧一簣呢 ...晚上媽媽仲會搽埋PHYTO-C既特強美白精華同FLOXIA既燕麥抗敏修護乳液 !!!!最最最重要係搽哂所有護膚品之後搽既反黑CREAM喇^^

打斑後第３日塊面雖然仲有少少紅，但毛孔明顯細左，斑都淡色左少少啊^^ 下面係第五日已經無再紅喇 ^^ 不但毛孔細左同斑淡左(左面係媽媽化左眼妝，右面係剛沖完涼完全未搽任何護膚品) 最開心係我仲發現我無哂 d黑頭呀 !!!! 哈哈 !!雖然皮膚好左好多，但都唔可以偷懶，每日一定做好補濕同防曬啊 !!!!!!^^

 

對比返５日前媽媽就算搽左粉都遮唔到既斑，同５日後皮膚狀況已經有好大分別 !!! 去斑大成功 !!!!!十分滿意 !!!其實媽媽最滿意就係 A-PLUS既收費形式，你鍾意幾時做療程就幾時做，無預繳式消費．又唔會比人SALE^^呵呵 !!!

 

哥哥 4歲生日快樂呀 !!!!! 又大一歲喇 ~ 都係個句 ~身體健康就已經足夠 ^^ 前年2歲生日都有黎食過buffet，個陣妹妹仲係媽媽個肚入面，今年可以一齊食喇 ^^哥哥仲同d迪士尼姐姐講佢今日4歲喇，大個仔喇，唔再驚米奇老鼠喇 ~ 因為爸爸話佢地係d哥哥姐姐扮既 ~ (但d姐姐話佢聽，米奇老鼠係童話世界走出黎 ~係真架@0@ 哥哥即刻呆左 =口=) 呢個小朋友雖然係妹妹出世個陣以為我地唔錫佢，所以成日都扭計，之後同妹妹相處耐左 ~知道自己已經大個仔要照顧好妹妹，性格變得堅強，有大哥哥風度^^但媽媽知道你仲係小朋友，仲好需要人地當你BB咁鍚既 ^^